想學潛水但又唔知點樣開始？學潛水前應該知嘅3件事！

一齊睇吓以下3大 學潛水前要注意嘅地方啦！

確保身體狀況良好

潛水需要一定程度嘅體力同耐力，所以學之前要確保自己嘅身體狀況良好。如果有任何健康問題，特別係心臟病、糖尿病、氣喘、癲癇等等疾病，應該請醫生先評估，以確保安全及適合。

認識熱門潛水牌種類

體驗潛水（Discover Scuba Diving）

未有牌而又想體驗吓潛水嘅可以選擇體驗潛水課程，課程內容包括認識潛水設備、體會水下呼吸、水肺潛水核心技能等，1位潛水教練最多可以帶領2位學員，除咗暢遊海底世界之外，亦可以測試水性，再考慮考唔考潛水牌。

初階開放水域潛水員課程（Open Water）

簡稱OW潛水，係水肺潛水中最基礎嘅課程，內容包含知識發展、平靜水域潛水、開放水域潛水3個部分。知識發展會學一啲安全潛水及基本潛水原則；平靜水域潛水會喺游泳池條件嘅水域中練習水肺潛水技巧；開放水域潛水就會有4次實際潛水，喺開放水域練習、應用及展示所學技巧同知識。

進階開放水域潛水員課程（Advance Open Water）

簡稱AOW潛水，係開放水域潛水員嘅進階潛水課程，課程中必須熟悉深潛潛水及水底導航技巧，增加潛水深度同學識判別水中方位。此外，需要另外選擇3項潛水技能，例如船潛、夜潛、頂尖中性浮力、多層深度潛水、水中推進器、水中攝影或沉船潛水，更深入探索海底世界。

選擇信譽良好嘅潛水中心/教練

選擇潛水教練，應該要衡量師資、合法性、課程配套等因素。潛水中心同教練嘅水平同專業性亦都係非常重要嘅考量因素之一。好嘅潛水教練同潛水中心能夠讓學員更安心安全咁學習、更快進步。

Skill Tree平台上都有師資優良嘅潛水教練，Swine Diving潛水中心擁有年輕、專業、有耐心嘅教練團隊。多年教學經驗，幫助你快速掌握潛水概念及技巧。Swine Diving分別提供「免證照潛水體驗班」、「晉階開放水域潛水員課程」同「初階開放水域潛水員課程」3大潛水課程，而家報名仲有課程優惠！有興趣了解更多潛水課程細節，歡迎撳入 https://skilltree.hk/courses?w=SwineDivingCenter 了解更多及報名。

總括而言，學潛水前最緊要係確保身體狀況良好、認識熱門潛水牌種類，再衡量自己係適合邊一種潛水課程同對邊一種潛水牌照最有興趣，再慢慢循序漸進咁學習。最後亦都係好重要嘅一環，就係要選擇信譽良好嘅潛水中心同潛水教練喇！一齊戴上潛水鏡，體驗探索海洋嘅美好啦！